💦မျှော်လင့်ချက်မကင်းစေဖို့💦 🏔🏔🏔🏔🏔🏔🏔🏔🏔🏔

(ပထမ) လူတစ်ယောက်ဟာ သူ့ရဲ့လိုအင်ဆန္ဒတခုကို 

အလ္လာဟ့်ထံမှာ လက်ဖြန့်ပြီး 

တောင်းခံတယ် ။

အလ္လာဟ်က ချက်ချင်းဘဲ 

သူ့ရဲ့ဒုအာကို လက်ခံကဗူလ်ပြုလိုက်တယ်။

ဖရှိရ်သာတွေက အံ့သြပြီး 

မေးလျောက်ကြတယ်။

""ယာ အလ္လာဟ် ဒီလူဟာ အလ္လာဟ်ရဲ့အမိန့်တွေကို မနာခံချိုးဖေါက်နေသူဖြစ်တယ် 

သူရဲ့ဒုအာကို အလ္လာဟ်အရှင်ချက်ချင်းဘဲလက်ခံ

လိုက်တယ်လားး""

ဒီအချိန်မှာ အလ္လာဟ် (.စွဗ္ဗဟာနဟုဝသအားလာ).အမိန့်ရှိတယ်

""ထိုသူ၏ ဒုအာတောင်းဆုပြုသံကို

ငါအရှင် မနှစ်သက်ပေ ။

ထို့ကြောင့် သူ၏တောင်းဆိုမှုကိုပေးပြီး သူ၏နှုတ်ကို ပိတ်လိုက်ခြင်းဖြစ်သည် ။

(ဒုတိယ) နောက်လူတစ်ဦးဟာ 

သူရဲ့ လိုအပ်ချက်တွေကို 

တောင်းတယ် တောင်းတယ် 

လတွေကုန် နှစ်တွေပြောင်းပြီး အချိန်ကာလတွေကြာခဲ့ပြီ

ဒုအာကဗူလ်မဖြစ်ခဲ့ဘူး ။

အလ္လာဟ် ကလည်း 

သူ့ရဲ့လိုအင်ဆန္ဒတွေကို 

မဖြည့်ဆည်းပေးသေးဘူး ။

ဖရိရ်ှသာတွေက လျောက်ထားတယ် 

""အို အလ္လာဟ် ဤသူဟာ အလွန် ကောင်းမွန်တဲ့သူဖြစ်တယ် ။ 

အရှင့်အမိန့်တွေကို နာခံလိုက်နာပြီး 

ဂုနာဟ်များမှသန့်စင်သူဖြစ်တယ် ။

အလ္လာဟ် သူရဲ့ဒုအာကိုအဘယ်ကြောင့်

ကဗူလ်မပြုရသနည်း""

ဒီအချိန်မှာ 

အလ္လာဟ် (.စွဗ္ဗဟာနဟုဝသအားလာ).

အမိန့်ရှိတယ် 

""ထိုသူ၏ ဒုအာတောင်းဆုပြုသံသည် 

အလွန် ချိုသာလှပေသည် ။ 

နားထောင်ချင်စရာ ကောင်းလောက်အောင် သာယာလှပေသည် ။

ငါအရှင် သူ၏အသံကို 

အမြဲကြားချင်နေသည် ။

အကယ်၍ သူ၏ဒုအာများ 

ကဗူလ်ဖြစ်သွားပါက

သူ၏ ထိုတောင်းဆုပြုသံကို ငါအရှင်ကြားရတော့မည်မဟုတ် ။

ထိုကြောင့် သူ၏တောင်းဆိုမှုကို မပေးဘဲဆိုင်းငံ့ထားခြင်းဖြစ်ပေသည် ။

အချို့သူတို့၏ ဒုအာ ကဗူလ်ဖြစ်ပါက 

ငါ့ကို အလ္လာဟ်အရှင်က 

နှစ်သက် ပါလားဟု တွေးကာ အလွန်ဝမ်းသာပျော်ရွှင်ကြသည် ။

တခါတရံ မိမိ၏အသံသည် အရှင်ထံ အလွန်ခါးနေပါသလားဟူ၍လည်း တွေးကြည့်ကြပါ .....

တချို့သူတို့၏ ဒုအာ များ ကဗူလ်မဖြစ်သည့်အခါ 

စိတ်ညစ် သောကဖြစ်ပြီး 

ငါ့ကို အရှင်မနှစ်သက်၍

ငါ၏ဒုအာများ ကဗူလ်မဖြစ်ဟု စိတ်ဓါတ်ကျနေကြသည် ။

တခါတရံမှာ ငါ၏အသံကို 

အလ္လာဟ်ကနားထောင်ကောင်း၍

နားထောင်နေသည်လားဟူ၍ တွေးကြည့်လိုက်ပါ ။

မောင်လာနာသွာရိက်းဂျမိလ်းဆွာဟိဗ် အူရ်ဒူဗယာန် မှ

ခူဗ်စူရသ်ဟဒီးစ်တော်များ

Credit