🌿 သဟ်ဂျွဒ်နမားဇ်အကြောင်း 🌿 <<<<<<<< ******** >>>>>>>>

သဟ်ဂျွဒ် နမားဇ်၏ အချိန်သည် ညတစ်ဝက်တွင်စ၍ ဖဂျရ်မစမှီအထိရှိသည်။

အနည်းဆုံး (၄)ရကအသ် ၊ အလယ် (၈)ရကအသ် ၊ အများဆုံးမှာ (၁၂)ရကအသ် ဖတ်ပါ။ မတတ်နိုင်ပါက (၂)ရကအသ်ဖတ်ပါ။ (ရဒ်)

အကယ်၍ ညနောက်ဆုံးတွင် ထရန်မစွမ်းနိုင်ပါက အိရှာပြီးသည့်နောက် (ဝိသိရ်နမားဇ်)၏အလျှင် ဖတ်လိုက်ပါ။ သို့သော် ဤကဲ့သို့ စဝါးဗ် ရရှိ

မည်မဟုတ်ပါ။ (မဇွာဟိရ်)

ဤနမားဇ်သည် အလ္လာဟ်အရှင်မြတ်ထံတော်၌ အလွန်လက်ခံထားသော နမားဇ်ဖြစ်သည်။ နဖိလ် နမားဇ်များအနက် အားလုံးထက်သာပို၍ ၎င်းနမားဇ်၏ စဝါးဗ်သာဖြစ်သည်။ (မိရ်ှကာသ်)

တမန်တော်မြတ်(ဆွ)ကမိန့်ကြားတော်မူသည်။ သဟဂ်ျဂျွဒ်နမားဇ်ကို မိမိတို့အပေါ်တွင် အရေအတွက်နည်းမှု ဖြစ်လင့်ကစား တာဝန်တစ်ရပ်အဖြစ် သတ်မှတ်ပါ။ အလားတူထပ်မိန့်သည်မှာ သဟဂ်ျဂျွဒ်နမားဇ်ကို မိမိ၏ တာဝန်အဖြစ်သက်မှတ်ပါ။ အကြောင်းမှာ ဤနမားဇ်သည် အသင်တို့ အလျှင်ရှိကြသော သူတော်စင်တို့၏ ဓလေ့ဖြစ်သည်။

အရှင်မြတ်နှင့် နီးကပ်အောင်ပြုလုပ်ပေးသော နမားဇ်ဖြစ်သည်။ အပြစ်များမှရှောင်ကြဉ်နိုင်ရန် အကြောင်းခံဖြစ်သည်။ ၎င်းနောက် ငရဲများကိုပပြောက်စေသည်။ ခန္ဓာကိုယ်မှ ရောဂါကို ပပျောက်စေသည်။(ဆူယူသွီ)

တင်ပြပါ သဟဂ်ျဂျွဒ်နမားဇ်၏ အမိန့်တွင် အမျိုးသမီးများလည်းပါဝင်သည်။ အလားတူ နဖိလ်နမားဇ်သည်လည်း အမျိုးသားများကဲ့သို့ စဝါးဗ်ရရှိပါသည်။ (မိရ်ှကာသ်) 

ဟဒီးစ်တော်တစ်ရပ်တွင် အမိန့်ရှိပါသည်။ 

ညတွင်ထ၍ မိမိကိုယ်တိုင် သဟ်ဂျွဒ်နမားဇ်ဖတ်ပြီး မိမိအမျိုးသားများကိုလည်း သဟဂ်ျဂျွဒ်နမားဇ် ဖတ်ရန်အတွက် နှိုးသည့်အမျိုးသမီးပေါ်တွင် အရှင်မြတ်၏ သနားညှာတာမှု ခညောင်းပါစေ။ (အဗူဒါဝူးဒ်''နစာအီကျမ်း)

အကြင်သူတို့သည် ည၌ အိဗာဒသ်ပြုလုပ်ရန်အတွက် မိမိတို့အိပ်ယာများကို အလွတ်ထားကြသည်။ ၎င်းသူသည် ကိယာမသ်နေ့၌ စာရင်းစစ်ဆေးမခံရဘဲ ဂျန္နသ်သုခဘုံသို့ ဝင်ရောက်ရမည်။ (အဆ်ွဗွစ်နန်)

အကြင်မွတ်စ်လင်မ်တစ်ဦးသည် ည၏နမားဇ်ဖတ်ရန် ရည်စူးပြီး အိပ်နေသည်။ တဖန် ညတွင် မနိုးနိုင်ဘဲ နမားဇ်မဖတ်နိုင်သည်ရှိသော် သို့ရှိရာ ၎င်းသူအား နမားဇ်ဖတ်သည့် အကျိုးစဝါးဗ် ရေးမှတ်ပေးတော်မူမည်။ 

ဤသို့အိပ်ပျော်သွားခြင်းသည် အရှင်မြတ်ဘက်တော်မှ ၎င်းဗန္ဒဟ်အပေါ်တွင် ကျေးဇူးတစ်ခုပြု ခြင်းဖြစ်သည်။ (အိဗ်နုဟဗ္ဗာန်)

အမိန့်တော်တစ်ရပ်ရှိပါသည်။ အိမ်၌ နမားဇ်ဖတ်၍ အိမ်များကို ဂုဏ်အဆင့် မြင့်ပေးကြကုန်။ အရေးကြီးသည့်အချက်မှာ အိဗာဒသ်ကို ဤမျှပြုလုပ်ပါ။ နည်းစေကာမူ နေ့စဉ်ပုံမှန်ထမ်းရွက်နိုင်ရမည်။ အခက်အခဲကြောင့်ပျက်ကွက်သည်ရှိသော်အကြောင်းမဟုတ်ပါ။ ဤသည် လက်ခံနိုင်သောအကြောင်းဖြစ်၏။ နဖိလ်နမားဇ်များကိုအစပြုလျှင် အဆုံးသတ်အထိဖတ်ရန် အရေးကြီးသည်။ အစပြုပြီး လွှတ်လိုက်ခြင်းသည် မကောင်းပေ။ မဖတ်ခြင်းထက်ပို၍ မကောင်းဖြစ်သည်။ 

မဆ်အလဟ်။ ည၏ အဆုံးတွင် နမားဇ်ဖတ်နေခိုက် အဇာန်ဆိုလိုက်၏။ သို့မဟုတ် အခြားတစ်နည်းနည်းဖြင့် သိလိုက်ရသည် ။ နံနက်မိုးသောက်လေပြီ။ သို့ရှိရာ နမားဇ်ကိုအဆုံးထိဖတ်လိုက်ပါ။ (ရှာမီ)

အကယ်၍ တစ်ခါတစ်ရံ ကဇွာဖြစ်သွားပါက ဝမ်းနည်းပူဆွေးမူ မပြုပါနှင့်။ ဖတ်လိုပါက ၎င်းနမားဇ်၏ ကဇွာကို နေ့တွင်ဖတ်လိုက်ပါ။ (စိရသွစ္စူဖီ)

သဟဂ်ျဂျွဒ်နမားဇ်ကို ည၏အဆုံးတွင်ဖတ်ပြီး ပြန်မအိပ်ခြင်း အရေးမကြီးပါ။ (ကန်ဇုလ်မစာအိလ်ကျမ်း အတွဲ(၂) စာ'(၁၈၉)

ကျမ်းပြုစုသူ ဟဇရသ် အလ်ဟာဂ်ျ မော်လာနာ မွဖ်သီ ရှမ်စွတ်ဒိုဟာ(မဇွာဟေရီ) ဆရာကြီးရဲ့ ကျမ်းမာရေးနှင့် သက်တမ်းတော်မှာ အလ္လာဟ်အရှင်မြတ် ဗရ်ကသ် ပေးသနားတော်မူပါစေ။ (အာမီန်း)

မူရင်းရေးသားတင်ပြသူအားခရက်ဒစ်ပေးပါသည်။