အလ္လာမဟ် မုဟမ္မဒ် ဘင်န် အဗူဗက်ရ် Ibn Qayyim Al-Jawziyya (ရဟ) [ကွယ်လွန် ဟိဂျ်ရီ 751 ခုနှစ်] ရေးသားခဲ့တဲ့

ဒရူးဒ်ရှရီးဖ်ရွတ်ဖတ်ခြင်းကြောင့် ရရှိမယ့် ဖဇီလသ် အကျိုးကျေးဇူး(40)ကို တစ်နေရာမှာ စုစည်းတင်ပြထားတာတွေ့မိလို့ မျှဝေလိုက်ပါတယ်။ 

ဘာသာပြန် ဖတ်ရှု့ကြည့်ပါအုံး..!

اَلْأُوْلٰى: اِمْتِثَالُ أَمرِ اللهِ سُبْحَانَهُ وَتَعَالٰى.

(1)ဒရူးဒ်ရှရီးဖ် ဖတ်ရွတ်ခြင်းအားဖြင့် အလ္လာဟ်အရှင်မြတ်သခင်၏ အမိန့်တစ်ခုအပေါ် အမလ်လုပ်ခွင့်ရရှိပါတယ်။

اَلثَّانِيَةُ: مُوَافَقَتُهٗ سُبْحَانَهٗ فِي الصَّلوٰةِ عَلَيْهِ صَلَّى اللهُ عَلَيْهِ وَسَلَّمَ.

(2)ဒရူးဒ်ရှရီးဖ် ဖတ်ရွတ်ခြင်းအားဖြင့် အလ္လာဟ်အရှင်မြတ်သခင်နှင့် တူညီတိုက်ဆိုင်မှုတစ်ခု ရရှိပါတယ်၊အကြောင်းက အလ္လာဟ်ရှင်ကိုယ်တိုင်လည်း တမန်တော်မြတ်(ﷺ)အပေါ် ဒရူးဒ်မေတ္တာ ချီးမြှင့်တော်မူလို့ပါ။

اَلثَّالِثَةُ: مُوَافَقَةُ مَلَائِكَتِهٖ فِيْهَا.

(3)ဒရူးဒ်ရှရီးဖ် ဖတ်ရွတ်ခြင်းအားဖြင့် မလာအိကဟ်တွေနဲ့လည်း တူညီတိုက်ဆိုင်မှုတစ်ခုရရှိပါတယ်။အကြောင်းက မလာအိကဟ်ကောင်းကင်တမန်တွေလည်း တမန်တော်မြတ်(ﷺ)အပေါ် ဆုတောင်းမေတ္တာပို့သ ကြလို့ပါ။ 

اَلرَّابِعَةُ: حُصُولُ عَشْرِ صَلَوَاتٍ مِّنَ اللهِ عَلَى الْمُصَلِّيْ عَلَیْہٖ مَرَّةً.

(4)ဒရူးဒ်ရှရီးဖ် တစ်ကြိမ်ဖတ်ရွတ်သူအပေါ် အလ္လာဟ်အရှင်မြတ်သခင်ဘက်တော်မှ ရဟ်မသ်ဂရုဏာ(၁၀)ကြိမ် ချီးမြှင့်တော်မူပါတယ်။

اَلْخَامِسَةُ: أَنَّهٗ يُرْفَعُ لَہٗ عَشْرُ دَرَجَاتٍ.

(5)ရွတ်ဖတ်သူကို အဆင့်အတန်း ဆယ်ခု မြှင့်တင်ပေးတော်မူတယ်။

اَلسَّادِسَةُ: أَنَّهٗ يُكْتَبُ لَهُ عَشْرُ حَسَنَاتٍ.

(6)ကောင်းခြင်း ဆယ်ခု ရေးမှတ်ပေးခြင်းခံရတယ်။

اَلسَّابِعَةُ: أَنَّهٗ يُمْحٰى عَنْهُ عَشْرُ سَيِّئَاتٍ.

(7)ဂုနဟ်အကုသိုလ် ဆယ်ခု ခွင့်လွှတ်ပေးခြင်းခံရတယ်။

اَلثَّامِنَةُ: أَنَّهٗ يُرْجٰى إِجَابَةُ دُعَائِهِ إِذَا قَدَّمَهَا أَمَامَهٗ.

(8)ဒိုအာမတောင်းခင်အလျင် ဒရူးဒ်ရှရီးဖ်ဖတ်ရွတ်ခြင်းအားဖြင့် ဒိုအာကဗူလ်ပြုလက်ခံခြင်း ခံရနိုင်ခြေများသွားတယ်။

اَلتَّاسِعَةُ: أَنَّهَا سَبَبٌ لِّشِفَاعَتِهٖ صَلَّى اللهُ عَلَيْهِ وَسَلَّمَ إِذَا قَرَنَهَا بِسُؤَالِ الْوَسِيْلَة لَهُ أَوْ أَفْرَدَهَا.

(9)အဇာန်ပြီးနောက်ရွတ်ဆိုရသည့် ဒိုအာနှင့်အတူ ဒရူးဒ်ရှရီးဖ် ရွတ်ဖတ်မည် သို့မဟုတ်က အဇာန်၏ဒိုအာရွတ်ဆိုးပြီးနောက် သီးသန့် ဒရူးဒ်ရှရီးဖ်ရွတ်ဖတ်မည်ဆိုပါက ကိယာမသ်နေ့၌ တမန်တော်မြတ်(ﷺ)၏ ရှဖာအသ်ကြားဝင်အသနားခံပေးခြင်းကို ရရှိမည်။

اَلْعَاشِرَةُ: أَنَّهَا سَبَبٌ لِّغُفْرَانِ الذُّنُوْبِ.

(10)ဒရူးဒ်ရှရီးဖ်သည် ဂုနာဟ်များခွင့်လွှတ်ခြင်းခံရသည့် အကြောင်းခံဖြစ်မည်။

اَلْحَادِيَةَ عَشَرَة: أَنَّهَا سَبَبٌ لِّكِفَايَةِ اللهِ الْعَبْدَ مَآ أَهَمَّهٗ.

(11)ဗန်ဒဟ်၏လိုအပ်ချက်များအတွက် အလ္လာဟ်ကိုယ်တိုင် တာဝန်ယူပေးသူဖြစ်သွားမည်။

اَلثَّانِيَةَ عَشَرَةَ: أَنَّهَا سَبَبٌ لِّقُرْبِ الْعَبْدِ مِنْهُ صَلَّى اللهُ عَلَيْهِ وَسَلَّمَ يَوْمَ الْقِيَامَۃِ.

(12)ကိယာမသ် ကမ္ဘာ့တရားခွင်နေ့၌ တမန်တော်မြတ် နှင့် နီးကပ်ခွင့်ရရှိမည့် အကြောင်းခံဖြစ်မည်။

اَلثَّالِثَةَ عَشَرَةَ: أَنَّهَا تَقُوْمُ مَقَامَ الصَّدَقَةِ لِذِي الْعُسْرَةِ.

(13)သူဆင်းရဲများရွတ်ဖတ်မည်ဆိုပါက ဆွဒ်ကဟ်အလှူဒါနပြုသကဲ့သို့ အကျိုးစဝါးဗ်ရရှိစေမည်။

اَلرَّابِعَةَ عَشَرَةَ: أَنَّهَا سَبَبٌ لِّقَضَاءِ الْحَوَائِجِ.

(14)လိုအပ်ချက်များ ပြည့်ဝစေသည့် အကြောင်းခံဖြစ်မည်။

اَلْخَامِسَةَ عَشَرَةَ: أَنَّهَا سَبَبٌ لِّصَلوٰةِ اللهِ عَلَى الْمُصَلِّيْ وَصَلوٰةُ مَلٰئِكَتِهٖ عَلَيْهِ.

(15)ဒရူးဒ်ရှရီးဖ် ရွတ်ဖတ်သူအဖို့ အလ္လာဟ်အရှင်မြတ်သခင်၏ ရဟ်မသ်တော်နှင့်အတူ ဖရိရှ်သဟ်များဘက်မှ အလ္လာဟ်ရှင်မြတ်ထံတော်ပါး ရဟ်မသ်တော်၏ဒိုအာများပြုလုပ်ပေးခြင်းကို ရရှိမည်။

اَلسَّادِسَةَ عَشَرَةَ: أَنَّهَا زَكَاةٌ لِّلْمُصَلِّيْ وَطَهَارَةٌ لَّهُ.

(16)ဖတ်ရွတ်သူ၏ ခန္ဓာကိုယ် အတွင်းအပြင် သန့်စင်မှုရရှိစေသည့် အကြောင်းခံဖြစ်မည်။

اَلسَّابِعَةَ عَشَرَةَ: أَنَّهَا سَبَبٌ لِّتَبْشِيْرِ الْعَبْدِ بِالْجَنَّةِ قَبْلَ مَوْتِهٖ.

(17)မကွယ်လွန်ခင်အလျှင် ဂျန္နသ်၏သတင်းကောင်း ရရှိစေသည့်အကြောင်းခံ ဖြစ်မည်။

اَلثَّامِنَةَ عَشَرَةَ: أَنَّهَا سَبَبٌ لِّلنِّجَاةِ مِنْ أَهْوَالِ يَوْمِ الْقِيَامَةِ.

(18)ကိယာမသ် ကမ္ဘာ့တရားခွင်နေ့၏ အနိဌာရုံ များမှ လုံခြုံမှု ရရှိစေသည့် အကြောင်းခံဖြစ်မည်။

اَلتَّاسِعَةَ عَشَرَةَ: أَنَّهَا سَبَبٌ لِّرَدِّ النَّبِيِّ صَلَّى اللهُ تَعَالیٰ عَلَيْهِ وَسَلَّمَ الصَّلَاةَ وَالسَّلَامَ عَلَى الْمُصَلِّيْ وَالْمُسَلِّمِ عَلَيْهِ.

(19)တမန်တော်မြတ် အပေါ် ဒရူးဒ်ရှရီးဖ်ပို့သသူအား တမန်တော်ဘက်မှလည်း လက်ဆောင်ဒိုအာ ပြန်လည်ချီးမြှင့်တော်မူလေ့ရှိသည်၊ဤသို့ဖြင့် တမန်တော်၏ ဒိုအာလက်ဆောင်ကို ရယူခံစားခွင့်ရသည့် ပုဂ္ဂိုလ်ထူး ဖြစ်မည်။

اَلْعشْرُوْنَ: أَنَّهَا سَبَبٌ لِّتَذَكُّرِ الْعَبْدِ مَا نَسِيَهٗ.

(20)မေ့လျော့နေသောအရာများကို သတိတရ ရှိစေသည့် အကြောင်းခံဖြစ်မည်။

ဆက်ပါဦးမည်....

✍Paing Soe Oo