💡💡💡💡လူတယောက် သေပြီးနောက် ဘယ်နှစ်ရက်ကြာလျှင် အမွေခွဲဝေရမလဲ???💡💡💡

 

အစ်လာမ်သာသနာသည်မွစ်လင်မ်

တစ်ယောက်ကွယ်လွန်သွားပါက

ဦးစားပေးလုပ်ဆောင်ရမည့်

လုပ်ငန်းစဉ်အဆင့်

ဆင့်ကိုလမ်းညွှန်ထားသည်။

လူတစ်ယောက်ကွယ်လွန်သွားပါက

ပထမဦးဆုံးဦးစားပေးလုပ်ဆောင်

ရမည့်အချက်များမှာ 

ကွယ်လွန်သူအား

အစ်လာမ့်နည်းကျရေချိုးသန့်စင်ပေးခြင်း/

ကဖန်ထုတ်ပေးခြင်း/ဂျနာဇာဟ်နမားဇ်ဖတ်

ပေးခြင်းနှင့်မြေမြှုတ်သင်္ဂြိုလ်ခြင်းဖြစ်သည်။

ယင်းကိစ္စရပ်များအားဆောင်ရွက်ရာတွင်

လ်ိုအပ်သည့်အချိန်ကာလထက်

ပို၍နောက်ဆိုင်းပ်ိုင်ခွင့်အလျဉ်းမရှိပေ။

အထက်ဖေါ်ပြပါကိစ္စရပ်များကိုဆောင်ရွက်ပြီးနောက်

ဒုတိယအဆင့်အနေဖြင့်လုပ်ဆောင်

ရမည့်အချက်မှာ

 ကွယ်လွန်သူပေးချေရန်

တာဝန်ရှိနေသောကြွေးမြှီးများကို

၎င်းပိုင်ဆိုင်သော

ဥစ္စာပစ္စည်းများအားလုံးဖြင့်ကျေအောင်

ဆပ်ပေးရမည်။

အမွေခွဲဝေစရာမကျန်လောက်အောင်

ဆပ်ရမည့်အကြွေးကများနေပါကလည်း 

အကြွေးကျေအောင်ဆပ်ပေးရမည်။

အကြွေးကျေအောင်မဆပ်ပေးပဲ

အမွေခွဲဝေပါကအပြစ်ထိုက်မည်။

ကွယ်လွန်သူပေးဆပ်ရန်

တာဝန်ရှိနေသည့်ကြွေးမြီများကို

ကျေအောင်ဆပ်ပေးပြီးနောက်

 ဥစ္စာပစ္စည်းကျန်ရှ်ိပါက 

၎င်းကျန်ရှိဥစ္စာပစ္စည်းများကိုသုံးပုံပုံ၍

သုံးပုံတစ်ပုံဖြင့်

ကွယ်လွန်သူသက်ရှိထင်ရှားရှိစဉ်ကပေးဆပ်ရန်

မှာတမ်းခဲ့သော "ဝဆွီယသ်"မှာတမ်းမှု

များနှင့်အညီပေးဆပ်ရမည်။

ထိုသို့ပေးဆပ်ရာတွင်ဥစ္စာပစ္စည်းသုံးပုံတစ်ပုံ

ထက်ပို၍သုံးစွဲရန်တာဝန်မရှိပေ။

သုံးပုံတစ္ပုံ

အတွင်းမှသာပေးဆပ်ရန်အရေးကြီးသည်။

ကွယ်လွန်သူမှပေးဆပ်ရန်မှာတမ်းခဲ့သော

ငွေအမောင့်/ပစ္စည်းအတိုင်းအတာသည်

သုံးပုံတစ္ပုံ

ထက်ပိုနေပါကလည်း

သုံးပုံတစ်ပုံအတွင်းမှသာ

ရသလောက်ပေးဆပ်ရန်တာဝန်ရှိသည်။

အကယ်၍အမွေစားအမွေခံအားလုံးသည်

ကွယ်လွန်သူ၏မှာတမ်းမှုများအတွက် 

အကြွေးဆပ်ပေးပြီး

ကျန်ရှိပစ္စည်းများ၏သုံးပုံတစ်ပုံထက်ပို၍

သုံးစွဲပေးရန်လက်ခံကြည်ဖြူကြပါက/အမွေစားအမွေခံများအနက်

အရွယ်မရောက်သေးသူ

တစ်စုံတစ်ယောက်မှလည်းမပါရှိပါက

 သုံးပုံတစ်ပုံထက်ပို၍သုံးစွဲ

ပေးခွင့်ရှိပါသည်။

အကယ်၍အမွေစားအမွေခံများအားလုံးက

ကြည်ဖြူလက်ခံခြင်းမရှိပါကသော်လည်းကောင်း/အမွေစားအမွေခံများအနက်အရွယ်မရောက်သေးသူ

တစ်ယောက်ယောက်ပါနေပါကသော်လည်းကောင်း ကွယ်လွန်သူ၏မှာတမ်းမှုများကိုပေးဆပ်ရန်

အကြွေးဆပ်ပြီးနောက်ကျန်ရှိသောပစ္စည်းများ၏

သုံးပုံတစ္ပုံထက္ပို၍

အသုံးပြုခွင့်မရှိပေ။

အထက်ပါအတိုင်းအစဉ်လိုက်အဆင့်ဆင့်လုပ်

ဆောင်ပြီးပါက

(တစ်ရက်နှစ်ရက်အတွင်အားလုံး

ပြီးဆုံးသွားသည်ဖြစ်စေ)

မဆိုင်းမတွနောက်ဆုံးလုပ်ဆောင်ရမည့်အလုပ်မှာ ကွယ်လွန်သူချန်ခဲ့သောဥစ္စာပစ္စည်းများအား အမွေရထိုက်သည့်အမွေစားအမွေခံများအကြားတွင်

ရထိုက်သည့်အမွေဝေစုနှင့်အညီ

အမွေခွဲဝေရယူကြရမည်ဖြစ်သည်။

ဤသို့အမွေခွဲဝေရာတွင်ကွယ်လွန်သူသုံးရက်/တစ်ပတ်

/ရက်လေးဆယ် လည်သည်အထိစောင့်ရန်

တရားတော်ကအမိန့်မပေးထားပေ။

ရက်ကန့်သတ်ချက်မရှိပေ။

"လူသေတာသုံးရက်မလည်သေးဘူး 

အမွေခွဲခိုင်းနေပြီ"

ဟူသောထိုးနှက်ဝေဖန်သည့်စကားရပ်သည် တရားတော်၏ပြဌားန်ချက်နှင့်

လုံးဝမသက်ဆိုင်သော စကားရပ်ပင်ဖြစ်သည်။

ယင်းကဲ့သို့ဘာသာရေးမဲ့သောစကားရပ်ကြောင့် 

အမွေခွဲဝေမှုအားအချိန်ဆွဲကြရင်း 

ရသင့်ရထိုက်သူများက

အမွေမှလက်မဲ့ဖြစ်ကြရပြီး

တစ်ဦးတစ်ယောက်တည်း

ကအမွေကိုလက်ဝါးကြီးအုပ်သည့်အဖြစ်နှင့်

ရင်ဆိုင်ကြုံတွေ့နေကြရသည်။

အလ္လာဟ်နှင့်အလ္လာဟ်ရစူလ်ကပြဌားန်ထားသော

အမိန့်တစ်ခုအားနောက်ဆိုင်းလိုက်ခြင်းကြောင့်

မောင်နှမသားချင်းများအကြား

အမွေကိုအကြောင်းခံ၍

စိတ်ဝမ်းကွဲမှုများဖြစ်ပေါ်လျှက်ရှ်ိသည်။

အမွေရထိုက်သူများမှမိမိတို့အား

အရှင်မြတ်ဘက်တော်မှသက်မှတ်ပေးထားသည့်

ရသင့်ရထိုက်သော

အမွေဝေစုကိုတောင်းခံခြင်းသည်ပင် 

တရားတော်နှင့်အညီဖြစ်သည်။

အလ္လာဟ်နှင့်အလ္လာဟ့်ရစူလ်ကပေးထားသော

ရပိုင်ခွင့်အားတိတိကျကျ

ရယူရန်တောင်းဆိုခြင်းသည်ပင်

ဘာသာရေးကိုအရင်းခံသောလုပ်ရပ်ဖြစ်သည်။

"လူသေတာသုံးရက်မလည်သေးဘူး အမွေခွဲခိုင်းနေပြီ"

ဟူသောဘာသာရေးကင်းမဲ့သည့်စိတ်ခံစားချက်

သတ်သတ်သည် ရပိုင်ခွင့်ရှိသူများကို

အရေးဆိုခြင်း/တောင်းဆိုခြင်းမှ

အဟန်အတားဖြစ်စေသည်။

ဤသို့ဖြင့်တစ်ဦး

တစ်ယောက်တည်းကအမွေပစ္စည်းအားလုံးကို

လက်ဝါးကြီးအုပ်ခြင်း/အမွေနှင့်မသက်ဆိုင်သောသူများက

ပွဲလန့်တုံးဖျာဝင်ခင်း၍အမွေပစ္စည်းများအား

မျက်စောင်းထိုးလာကြသည်ကိုကြုံတွေ့ကြရသည်။

ထို့ကြောင့်လူတစ်ယောက်ကွယ်လွန်သွားပါက

သင်္ဂြိုလ်ခြင်းကိစ္စအဝဝဆောင်ရွက်ပြီးနောက်

ကွယ်လွန်သူပေးဆပ်ရမည့်အကြွေးများ/

ကွယ်လွန်သူမှပေးဆပ်ရန်မှာတမ်းခဲ့သော

"ဝဆွီယသ်"မှာတမ်းမှုများရှိပါက အဆင့်အဆင့်အကောင်အထည်ဖေါ်ပေးဆပ်ပြီးနောက်အမွေခွဲဝေခြင်းကိစ္စအားမဆိုင်းမတွ

အလျှင်အမြန်ဆောင်ရွက်ခြင်းသည်သာ

အစ်လာမ်ကပြသသောမွစ်လင်မ်ပီသသူတစ်ဦး၏

လုပ်ရပ်ဖြစ်သည်။

(အဟ်ကားမေ့မိုင်ယိသ်ကျမ်း စာ ၁၈၅ မှကောက်

နှုတ်တင်ပြသည်)

Inamulhasan Mazahiri

Deen For Muslimeen page